Irakasle moduan gure burua hobetu eta
trebatzeko asmoz, irakasle ikertzailearen oinarria den praktika gogoetatsua
jarriko dugu abian. Ekintza bat hobetzeko aldatu nahi den horretan hausnartzea edo
aztertzea da praktika-gogoetatsua. Hau egiteko, aurretik helburua zehaztu behar
da eta jarraian ebaluatu, emaitzak lortu diren edo ez ikusteko. Zer egin nahi
den eta zer lortu den ikusiaz hain zuzen.
Hau honela izanik, praktika gogoetatsuaren
funtsa eguneroko jarraipena izango da.
Gure trebatze prozesua gauzatzeko, eguneroko
jarraipen honen inguruan, irakasle bakoitzak, klasea irakasteko duen eraren
grabaketa egingo du. Hau da: berak ematen duen klase bat grabatuko du egunero. Grabaketa
egin ostean, etxean bakoitzak bere grabaketa ikusi eta aztertu beharko du.
Honela, egoera ezberdinen aurrean garatu
beharreko soluzio posibleak bilatzen ahalegindu behar da irakaslea, ondoren
praktikara eramateko (klasean).
Laburki
esanez, Irakasleak arazo bat antzemango du bere irakasteko moduan grabaketari
esker, eta honi soluzio bat ematen saiatuko da. Hau ikusirik, arazoei soluzioak
bilatzen ahaleginduko da. Soluzio posiblea metodologia aldaketa bat izango da,
arazoa konpontzea helburu izango duena. Hau klasean aplikatu ondoren, honen
jarraipena egin beharko du, bere helburuak bete diren edo ez ikusteko eta bere
klaseak ikertzen jarraitu beharko du. Beraz, prozesu zikliko baten aurrean
aurkitzen gara:
Beraz, irakasle ikertzailearen lanetako bat
ondorengoa litzateke: Lehena ikerketa-fokua edo arazo-eremua identifikatzea.
Bigarrena arazo honen diagnosi bat egitea. Hirugarrenik arazoa hobetzeko aldatu
nahi den horretan hausnarketa dugu; praktika-gogoetatsua. Laugarrenik hausnarketa
hau praktikan jarri eta ebaluatzea edukiko genuke.
No hay comentarios:
Publicar un comentario